Home / Bilirsinizmi? / APREL DÖYÜŞLƏRİNDƏ ERMƏNİ HƏQİQƏTLƏRİ
15207953_339431939767865_1188926659_n

APREL DÖYÜŞLƏRİNDƏ ERMƏNİ HƏQİQƏTLƏRİ

Orada qulluq edənlərdən heç kim sağ qalmayıb.

Qarabağ münaqişəsi zonasında aprel döyüşləri zamanı erməni hərbçilərinin necə ölməsi ilə bağlı maraqlı faktlar ortaya çıxıb. ATO.AZ  xəbər verir ki, Helsinki Vətəndaş Assambleyasının Ermənistandakı Vanadzor ofisinin əməkdaşları döyüşlər zamanı ölən hərbçilərin qohumları ilə söhbət ediblər. Onlardan bəziləri ön xətdə yaranmış problemlərdən, xüsusilə döyüş sursatlarının çatışmazlığından, texnikanın nasaz olmasından danışıblar. Milli.Az Ermənistan KİV-lərinə istinadən hüquq müdafiə təşkilatının hesabatında yer alan bəzi məqamları təqdim edir: Hal 1: Hərbi qulluqçu 2016-cı il aprelin 2-də Mardakertdə (Ağdərə) ölüb. Qohumları onun ölümünü silah və sursatın sayının çatışmazlığı, eləcə də hərbi əməliyyatların başlanması ilə bağlı kəşfiyyat məlumatlarının olmaması ilə əlaqələndirirlər. Hal 2: Hərbi qulluqçu 2016-cı il aprelin 2-də Cəbrayılda ölüb. Ölüm yerinə yollanan qohumların əldə etdiyi məlumata görə, həmin ərazidə qulluq edənlərdən heç kim sağ qalmayıb. Çünki hazır olmayıblar, lazımi qədər silahları olmayıb. Hərbçinin ailəsi hesab edir ki, mövqelərin möhkəmlənməsi və əsgərlərin sursatla təmin edilməsi üçün heç bir tədbir görülməyib. Cəbrayıldakı vəziyyəti onlar başıpozuqluq adlandırıblar, tanklar xarab olubmuş: “Qubadlıdan Cəbrayıla doğru yolda çoxlu sayda xarab tanklar düzülmüşdü. Onların çoxunda yanacaq əvəzinə su vardı. Ön xəttə getmək üçün tankları işə salanda yararsız vəziyyətə düşürdülər”. Hərbçinin həmkarları onun qohumlarına bildiriblər ki, onlar gedib çox şeyləri danışmalıdırlar, çünki özlərinin xidmət vaxtı bu barədə danışmağa ixtiyarları yoxdur. Hal 3: Cəbrayılda 2016-cı ilin aprelin 2-də ölüb. Valideynləri məlumat verib ki, hərbi əməliyyatlar zamanı oğlunun lazımi qədər hərbi sursatı olmayıb. Ona görə də ölənlərin sayı çox olub. Hal 4: Cəbrayılda 2016-cı ilin aprelin 2-də ölüb. Qohumları bildirib ki, qəfildən yaxalanan hərbçilər düşmənlə səhər saat 7:30-a kimi döyüşüblər. Sonra qərargahla əlaqə saxlayaraq kömək və daha sonrakı hərəkətlər barədə məlumat verilməsini istəyiblər. Amma onlar hər hansı cavab və əmr almayıblar. Hal 5: Talışda 2016-cı ilin aprelin 2-də ölüb. Atasının sözlərinə görə, əsgərlərlə dərhal Talışdakı mövqeləri geri qaytarmaq istəyəndə oğlunun pulemyotu xarab olub. O, digər pulemyotçudan kiminsə silahını götürüb döyüşə çıxmağı xahiş edib, amma rədd cavabı alıb və gecə, lampa işığında silahı söküb təmir edib və yüksəklikdəki ən vacib mövqeni ələ keçirmək üçün çıxıb. Hərbçinin ölümündən sonra həmkarları mövqeni, demək olar ki, geri qaytarıbmışlar, amma əmr gəlib ki, geri çəkilsinlər. Atasının sözlərinə görə, həmin mövqe indiyədək düşmənin nəzarətindədir. Hal 6: Cəbrayılda 2016-cı ilin aprelində 2-də ölüb. Atası silahların çatışmazlığı və hərbi texnikanın xarab olmasından narazılığını bildirib. Aprelin 2-dən 10-dək o, Atrsaxda (Qarabağ) olub və baş verənləri şəxsən görüb: “Niyə tanklar irəli getmədi? Çünki akkumulyatorları yox idi: Onlar bazarda satışa qoyulmuşdu. PDM-lər lazım olan yerə gedib çata bilmirdilər, çünki çəndə yanacaq yerinə su var idi. Könüllüləri lazımi qədər patronla təmin edə bilmirdilər. Hərəyə 60 patron verirdilər, hansı ki onlar da cəmi dəqiqə yarımdan sonra qurtara bilər”. Hal 7: Hərbi qulluqçu Cəbrayılda 2016-cı ilin aprelində 2-də ölüb. Həmkarları valideynlərinə deyib ki, onlar aprelin 2-də 19 nömrəli təpədə səhər saat 9-a kimi döyüşüblər. Atasının fikrincə, əgər hərbi texnika lazımi sayda və hazır olsaydı, ordunun vəsaitləri talanmasaydı, vəziyyət başqa cür ola bilərdi. Hal 8: Hərbi qulluqçu Cəbrayılda 2016-cı ilin aprelin 3-də ölüb. Düşmənin 5 tankına qarşı 70-ci illərdə istehsal olunmuş tankla çıxıb və qohumlarının sözlərinə görə, onları vurub (?). Qardaşının məlumatına görə, döyüş heyəti ilə 321 nömrəli tankda olub, çünki onun adına qeydiyyatda olub, amma qardaşı başqa tankda ölüb. Hal 9: Hərbi qulluqçu 2016-cı il aprelin 2-də Mardakertdə (Ağdərə) ölüb. Valideynləri xəbər verir ki, oğlu və oun həmkarları düşmənin malik olduğu ilə müqayisəyə gəlməz dərəcədə sursatın çatışmazlığı nəticəsində ölüblər. Hal 10: Talışda 2016-cı ilin aprelin 4-də ölüb. Qohumları ölümünün səbəbini əmrin düzgün verilməməsində görürlər. Onlar deyir: “Yuxarılarda bilirlər nə baş verir”. Hal 11: Talışda 2016-cı ilin aprelin 2-də ölüb. Oğlunun ölümü ilə bağlı valideynləri deyirlər ki, döyüş sursatı qurtarıb, yeniləri ilə isə təmin etməyiblər. Hal 12: Hərbi qulluqçu 2016-cı il aprelin 2-də Mardakertdə (Ağdərə) ölüb. Hərbçinin valideynləri onun komandiri ilə görüşüb və döyüş mövqeyinin 3-cü xəttində olan oğlunun niyə zirehli gödəkçədə olmadığını soruşublar. Komandir deyib ki, zirehli gödəkçələr azdır, ona görə də, ilk növbədə, lap öndəki uşaqları təmin edirlər. Valideynləri əmindirlər ki, hətta bu hadisələrdən sonra da hərbçilər təhlükəsizlik vasitələri ilə təmin edilməyiblər. Göründüyü kimi, aprel döyüşləri zamanı Azərbaycan Silahlı Qüvvələri tərəfindən məhv edilmiş erməni hərbçilərinin qohumlarının da ifadələrindən məlum olub.

15208987_339431916434534_458440651_n              15209086_339431923101200_334024894_n

About admin

Check Also

26733534_190462805033246_8401784531917337062_n

20 Yanvar faciəsindən 28 il ötür

Share this on WhatsAppAzərbaycanda 1990-cı il yanvarın 20-də baş vermiş faciədən 28 il keçir. Ato.az xəbər …

Leave a Reply

Your email address will not be published. Required fields are marked *