Home / Gündəm / İraqda Mübariz İbrahimovun adına yaşayış sahəsi
mubariz

İraqda Mübariz İbrahimovun adına yaşayış sahəsi

İraqda Azərbaycan Respublikası Silahlı Qüvvələrinin giziri, Milli Qəhrəman, şəhid Mübariz İbrahimovun adına yaşayış sahəsi yaradılıb.

ATO.AZ “Report”-a istinaden  xəbər verir ki, bu ölkənin Kərbəla şəhərində salınmış yaşayış sahəsinin girişində Milli Qəhrəmanın portreti asılıb və şəklin altında Azərbaycan dilində və latın əlifbasında onun adı, soyadı yazılıb.

Hasarla əhatəyə alınmış ərazi bir neçə yüz hektardan ibarətdir. Burada Azərbaycandan İraqa gələn qonaqların, o cümlədən soydaşlarımızın dincəlməsi, gecələməsi üçün hər cür şərait yaradılıb.

Hələlik 80-90 çadırın qurulduğu yaşayış sahəsində yeməkxana, mətbəx, dəstnamazxana fəaliyyət göstərir. Qeyd edək ki, gələn il onun ərazisinin daha da genişləndirilməsi planlaşdırılır.

Xatırladaq ki, Azərbaycan Milli Ordusunun giziri Mübariz İbrahimov 2010-cu ilin 18 iyununda döyüş növbəsini yerinə yetirərkən düşmən qüvvələrinin atəşkəs rejimini pozması nəticəsində Talış-Borsunlu istiqamətində gedən şiddətli döyüş zamanı şəxsi rəşadət və şücaət nümayiş etdirərək və düşmənin çoxlu sayda canlı qüvvəsini məhv edərək qəhrəmancasına şəhid olub. Ali Baş Komandan, Azərbaycan Prezidenti İlham Əliyev iyulun 22-də Azərbaycan Respublikasının müstəqilliyinin və ərazi bütövlüyünün qorunub saxlanılmasında müstəsna xidmətinə və göstərdiyi rəşadətə görə gizir Mübariz İbrahimova “Azərbaycanın Milli Qəhrəmanı” adı verilməsi barədə sərəncam imzalayıb.

About admin

Check Also

15163974774919255193_1000x669

20 Yanvar faciəsinin ildönümü Praqada da qeyd edildi – FOTO

Share this on WhatsApp Yanvarın 19-da Azərbaycan Tələbə Şəbəkəsinin Çexiyadakı filialının təşkilatçılığı və Azərbaycanın Çexiyadakı …

Leave a Reply

Your email address will not be published. Required fields are marked *