Home / Bilirsinizmi? / Erməni əsgərlər komandanlığın əmrlərinə tabe olmaqdan imtina edir.
ermeni (3)

Erməni əsgərlər komandanlığın əmrlərinə tabe olmaqdan imtina edir.

Erməni əsgərlər komandanlığın əmrlərinə tabe olmaqdan imtina edir.

Hərbi mənbələrdən ATO.AZ-a daxil olan məlumata görə, Ermənistan silahlı qüvvələrinin işğal olunmuş ərazilərimizdə yerləşən bölmələrinin hərbi qulluqçuları komandanlığın əmrlərinə tabe olmurlar.

Belə ki, son günlər cəbhə xəttində vəziyyətin gərginləşməsi səbəbindən döyüş mövqelərinin gücləndirilməsi məqsədilə oraya gətirilən erməni əsgərlər Azərbaycan silahlı qüvvələri tərəfindən həmin postlara atəş zərbələri endirilən zaman mövqeləri tutmaq əvəzinə, sığınacaqlara girərək oradan çıxmaqdan imtina edirlər.

Eyni zamanda xidmət şəraitinin pis olması və nizamnamədən kənar münasibətlər nəticəsində bir sıra hərbi qulluqçuların xidmət yerini özbaşına tərk edərək müxtəlif yollarla Ermənistan istiqamətində qaçmalarının qarşısının alınması məqsədilə müvafiq yerli strukturlar tərəfindən əməliyyat tədbirləri keçirilir.

İşğal altında olan ərazilərdə hərbi xidmətin ağırlığı, yerli hərbçilər tərəfindən qeyri-insani münasibət və son günlər cəbhədəki gərginliyə dözə bilməyən Ermənistan hərbi komissarlıqlarından çağırılan gənclərin özlərinə qəsd etməsi də sistematik hal alıb. Çoxsaylı faktlara əlavə olaraq, məlum olub ki, dağ-atıcı alayının hərbi qulluqçusu Mkrtıç Qaşyan və Artuş adlı gənc əsgər qolunun damarlarını doğrayaraq intihara cəhd ediblər.

Ermənistan hərbi-siyasi rejimi isə hər ötən gün artan özbaşınalıqların və buna etiraz olaraq artan narazılığın qarşısını almaqda getdikcə daha çox çətinlik çəkir.

About admin

Check Also

26733534_190462805033246_8401784531917337062_n

20 Yanvar faciəsindən 28 il ötür

Share this on WhatsAppAzərbaycanda 1990-cı il yanvarın 20-də baş vermiş faciədən 28 il keçir. Ato.az xəbər …

Leave a Reply

Your email address will not be published. Required fields are marked *