Home / Acun ( Dünya ) / Azərbaycan Türkiyə Quru Qoşunları komandanını medalla təltif edib
a443410ddb59e78bfb76ce80fff3e1ad

Azərbaycan Türkiyə Quru Qoşunları komandanını medalla təltif edib

Müdafiə naziri, general-polkovnik Zakir Həsənov bu gün Azərbaycanda səfərdə olan Türkiyə Respublikası Quru Qoşunları komandanı ordu generalı Salih Zeki Çolakla görüşüb.

Ato.az saytı xəbər verir ki,müdafiə Nazirliyinin mətbuat xidmətindən APA-ya verilən məlumata görə, general-polkovnik Z. Həsənov ölkələrimiz arasında hərbi əməkdaşlığın ikitərəfli və NATO çərçivəsində aparıldığını, hərbi, hərbi-texniki və hərbi təhsil sahələrində əlaqələrin genişlənərək inkişaf etdiyini xüsusi vurğulayıb.

Öz növbəsində, S.Çolak Naxçıvanda keçirilən birgə taktiki təlimlərin əhəmiyyətini qeyd edərək dövlətlərimizin əlaqələrinin qədim tarixi köklərə, mehriban dostluq ənənələrinə əsaslandığını və Azərbaycanın Türkiyənin vacib tərəfdaşı olduğunu bildirib.

Sonra regiondakı hərbi-siyasi vəziyyət, Azərbaycan ilə Türkiyə Silahlı Qüvvələri arasında əlaqələrin inkişaf perspektivləri, eləcə də təcrübə mübadiləsi məqsədilə mütəxəssis heyətlərinin qarşılıqlı səfərlərinin təşkili, müxtəlif qoşun növlərinin iştirakı ilə hər iki ölkədə hərbi təlimlərin keçirilməsi və digər maraq doğuran məsələlər barədə ətraflı fikir mübadiləsi aparılıb.

Görüşün sonunda iki ölkə arasında hərbi əməkdaşlığın möhkəmləndirilməsində göstərdiyi xidmətlərə görə Türkiyə Respublikası Quru Qoşunları komandanı ordu generalı S.Çolak Azərbaycan Respublikasının “Hərbi əməkdaşlıq sahəsində xidmətlərə görə” medalı ilə təltif olunub.

About ato.az

Check Also

684x384_story-f85f1904-a76e-5189-bb2d-91a1b74fb8ef_671423

Braziliya həbsxanalarında işgəncələr – VİDEO

Share this on WhatsAppBraziliya prokurorluğu Qoyas ştatında yerləşən həbsxanalardakı məhbuslara edilən işgəncələrlə bağlı araşdırmalara başlayır. …

Leave a Reply

Your email address will not be published. Required fields are marked *