Home / Bilirsinizmi? / Myanma ordusu açıqlama yaydı –400 müsəlman öldürülüb, 60 min insan ölkədən qaçıb
600@0

Myanma ordusu açıqlama yaydı –400 müsəlman öldürülüb, 60 min insan ölkədən qaçıb

Ötən həftə ərzində Myanmanın Raxin ştatında baş verən zorakılıqlar nəticəsində təxminən 400 nəfər ölüb. Onların demək olar hamısı müsəlman üsyançı olub.

Bu məlumat Myanma ordusunun Facebook səhifəsində paylaşılıb. Orada ölənlərdən 370 nəfərin üsyançı olduğu, 29 nəfərin isə ya polis ya da mülki vətəndaş olduğu bildirilib.

Lakin Rohinja müsəlmanları icmasının üzvləri kəndlərinə hücum olunduğunu, onlarla insanın öldürüldüyünü, minlərlə insanın isə qaçdığını bildirir. Şənbə günü Human Rights Watch təşkilatı peyk görüntülərində cümə axşamı Rohingya müsəlmanlarının yaşadığı Çein Xar Li kəndində 700 binanın dağıldığı göstərilir. İnsan haqları qrupu kəndin 99 faizinin dağıldığını və bu dağıntılara yanğınların səbəb olduğunu bildirir.

Birləşmiş Millətlər Təşkilatı azı 38 min insanın Myanmadan Banqladeşə qaçdığını və onların çoxunun Rohinja müsəlmanı olduğunu bildirir. Banqladeşdəki icma liderləri “Amerikanın Səsi”nə deyib ki, Rohinjya müsəlmanları ilə birlikdə sərhədi Myanmadakı bir başqa azlıq qrup olan hindular keçib.

Human Rights Watch bildirib ki, Myanmadan Banqladeşə qaçan qaçqınlar təşkilata Myanma əsgərləri və polislərinin onların evlərini yandırdığını və kənd sakinlərinə qarşı silahla hücum etdiklərini deyib. Təşkilat Rohinja qaçqınlarının çoxunda təzə güllə yaralarının olduğunu bildirib.

Banqladeşdəki mənbələr son günlərdə sərhədi 60 min insanın keçdiyini deyir.

Didərgin düşənləri yeməklə təmin etmək çətinləşir

Bundan əlavə minlərlə insan kəndlərindən qaçaraq, digər Raxin şəhərlərində ibadətgahlara, məktəblərə və məscidlərə sığınıb. Təcili Yardım Komitəsinin sədr müavini Xin Uin 800 insanın Maunqdav şəhərindəki iki buddist monastırına yerləşdiyini bildirib. Könüllülər məcburi köçkünlər üçün yemək tapmaqda çətinlik çəkir, deyə o bildirib: “Bizim içməli suya, ətə, balığa və dərmanlara ehtiyacımız var”, – o deyib. Qrup digər icmalardan düyü və başqa ianələr toplayıb, amma hökümətdən çox az ianə alıb: “Hökümətin yardım agentliyi bizi bir neçə paxla torbası ilə təmin edib. 500 nəfərlik bu paxla yetərli deyil,” – deyə Uin bildirib.

About admin

Check Also

18_07_14_1531557297

Aprel şəhidinin doğum günüdür – FOTOLAR

Share this on WhatsAppBu gün aprel döyüşlərində şəhid olan Xüsusi Təyinatlı Qüvvələrin kiçik giziri Bəxtiyar …

Leave a Reply

Your email address will not be published. Required fields are marked *