Home / Gündəm / Dilqəm Əsgərovun oğlunu “Qırmızı Xaç”a çağırdılar
dilqem_esgerov_041

Dilqəm Əsgərovun oğlunu “Qırmızı Xaç”a çağırdılar

“Atamla bağlı bəzi qaranlıq məqamlara cavab tapmışıq. Kimin kim olduğunu indi daha yaxşı bilirəm”.

Ato.az Modern.az-a istinadən xəbər verir ki, bunu 4 ilə yaxındır erməni girovluğunda saxlanılan Dilqəm Əsgərovun oğlu Kürdoğlu Əsgərovdeyib.

K.Əsgərov detalları açıqlamaq istəməyib: “Müəyyən məsələlər var, onların dəqiqləşməsini gözləyirik. İnşallah, Dilqəm və Şahbaz özü girovluqdan qayıtdıqdan sonra həqiqəti hər kəs öyrənəcək”.

O, ATƏT-in Varşava sammitindəki çıxışından da bəhs edib: “Mən atamdan çox nigaran idim. Nə ondan məktub alırdım, nə videosunu izləyirdim, nə də şəklini görürdüm. ATƏT-in Varşava sammitində girovlarımızla bağlı çıxışlar oldu. Mənim də 1-2 kəlmə demək şansım yarandı. Azərbaycana qayıtdım. Bir həftə sonra Qırmızı Xaç Komitəsinin əməkdaşları mənə zəng elədilər. Atamdan məktub aldım, mənə şəklini göstərdilər”.

K.Əsgərov bildirib ki, atasının şəkli ona verilməyib: “Şəklini, sadəcə, mənə göstərdilər, amma vermədilər. Əvvəlki vaxtlara baxanda pis görünmürdü. Məhkəmədə necə idisə, təxminən elə idi. Hələ deyərdim, məhkəmədəkindən nisbətən yaxşı idi”.

Qeyd edək ki, 2014-cü il iyul ayında Dilqəm Əsgərov və Şahbaz Quliyev Kəlbəcərdə öz ata-baba yurdlarını ziyarət etmək istəyərkən, Ermənistan Silahlı Qüvvələri tərəfindən girov götürülüblər.

İşğal altındakı Dağlıq Qarabağda D.Əsgərov və Ş.Quliyev üzərində “məhkəmə” qurulub. “Məhkəmə”nin qərarı ilə D. Əsgərov ömürlük, Ş. Quliyev isə 22 il müddətinə azadlıqdan məhrum edilib.

Terane.

About ato.az

Check Also

1499665733

Ermənistanın paytaxtında partlayış – Yaralanan var

Share this on WhatsApp Ermənistanın paytaxtında qazdoldurma məntəqəsində partlayış baş verib. Ato.az  “RİA Novosti”yə istinadən …

Leave a Reply

Your email address will not be published. Required fields are marked *