Home / Qutlamalar / Ankarada AXC və Qarayev haqda kitab… – Foto
axc

Ankarada AXC və Qarayev haqda kitab… – Foto

Ankarada “Azərbaycan Xalq Cümhuriyyəti – 100. Biblioqrafiya”, “Qara Qarayev. Biblioqrafiya” kitablarının təqdimatı olub. Beynəlxalq Türk Mədəniyyəti Təşkilatının (TÜRKSOY) mərkəzi qərargahında keçirilən tədbir Azərbaycanla bağlı sənədli filmin nümayişilə başlayıb.

Ato.az xəbər verir ki, tədbirdə TÜRKSOY-un Baş katibi, professor Düsen Kaseinov, Azərbaycanın Türkiyədəki səfiri Xəzər İbrahim və Diasporla İş üzrə Dövlət Komitəsinin sədri Fuad Muradov çıxış edib. Çıxışlarda Azərbaycan Xalq Cümhuriyyətinin yaranması, onun qısa və şərəfli yolu, cümhuriyyətimizin ideyaları, XX əsrin sonunda dövlət müstəqilliyimizin bərpası, bu prosesdəki çətinliklər, o cümlədən ümummilli lider Heydər Əliyevin xilaskarlıq missiyasından bəhs olunub.

Prezident İlham Əliyevin müvafiq sərəncamları ilə 2018-ci ilin “Azərbaycan Xalq Cümhuriyyəti İli” elan edilməsi, o cümlədən Qara Qarayevin yubileyinin qeyd olunması dövlətçilik ənənələrinin nümunəsi kimi dəyərləndirilib.

Tədbir çərçivəsində Azərbaycan Milli Kitabxanası tərəfindən ölkəmizin tarixinə, ənənələrinə, mədəniyyətinə aid kitablar sərgilənib.

Təqdimat mərasimi Qara Qarayev və digər Azərbaycan bəstəkarlarının əsərlərindən ibarət konsert proqramı ilə davam edib.

 İsmayıl TürkünÖzü

About ato.az

Check Also

ataturk

Zəfərin Qutlu Olsun, Türkiyə! – Video

Share this on WhatsApp “Gənclər!Gələcəyə güvənimizi gücləndirən və davam etdirən sizsiniz. Siz, almaqda olduğunuz təhsillə, …

Leave a Reply

Your email address will not be published. Required fields are marked *